काठमाडौँ – नेपाल जनप्रशासन सङ्घ र साल्ट्र ट्रेडिङ्ग कर्पोरेशन लिमिटेडले संयुक्त रूपमा ‘हेम बहादुर मल्ल सम्मान २०७७-०७८’ घोषणा गरेको छ ।

मंगलबार काठमाडौँमा आयोजना कार्यक्रममा ‘हेम बहादुर मल्ल सम्मान २०७७’ गोरक्ष बहादुर नहुच्छे प्रधानलाई र हेम बहादुर मल्ल सम्मान २०७८ भानुप्रसाद आचार्यलाई प्रदान गर्ने घोषणा गरेको हो ।

प्रशासन र व्यवस्थापनका क्षेत्रमा कार्यरत प्राज्ञिक, प्रशासक र व्यवस्थापक बीचको पारस्परिक सम्बन्धलाई मर्यादित र सुदृढ गर्दै सार्वजनिक सरकारसँग सम्बन्धित सार्वजनिक क्षेत्रको नीति निर्माण पुनरावलोकन र मूल्याकनमा पृष्ठपोषण गर्ने उद्देश्यले वि।स। २०४७ सालमा नेपाल जनप्रशासन संघको स्थापना भएको हो ।

गैरनाफामुखी पेशागत संघको रूपमा स्थापित यस सङ्घले विगतमा जनप्रशासनका विभिन्न विधाहरुमा छलफल, अन्तरक्रिया, प्रशिक्षण जस्ता कार्यक्रमहरू आयोजना गरी त्यस्ता कार्यक्रमबाट प्राप्त भएका सुझावहरू नेपाल सरकार एवं सम्बन्धित निकायहरूमा पठाई सहयोग पुर्याउदै आएको छ ।

यो सम्मान उपराष्ट्रपति रामसहाय यादवबाट होटल र्याडिशनमा साउन ३ गते बुधबार प्रदान गरिने छ ,