काठमाडौँ– फिफा विश्वकप फुटबल छनौटमा कोलम्बियाले ब्राजिललाई पराजित गरेको छ । आज बिहान भएको खेलमा कोलम्बियाले ब्राजिललाई २–१ गोलले हराएको हो ।
कोलम्बियाका लागि लुइस डियाजले दुई गोल गरेका थिए । खेलको ७५औँ र ७९औँ मिनेटमा गोल गर्दै उनले कोलम्बियालाई महत्वपूर्ण जित दिलाए । यसअघि खेलको चौथो मिनेटमा ब्राजिलका गाब्रियल मार्टिनेलीले एक गोल गरेका थिए ।
सुरुवाती अग्रतालाई जोगाउन नसक्दा दक्षिण अमेरिकी विश्वकप छनौटमा ब्राजिलले दोस्रो हार बेहोर्न पुग्यो ।
जारी विश्वकप छनोटमा कोलम्बिया ५ खेलबाट ९ अंकसहित तालिकाको तेस्रो स्थानमा रहेको छ भने ७ अंक भएको ब्राजिल पाँचौँ स्थानमा झरेको छ ।
प्रतिक्रिया