सुर्खेत– भेरी नगरपालिका १२ धायराका करिव ३५ वर्षीय इन्द्रबहादुर बस्नेत मृत भेटिएका छन् । बस्नेत दुई दिन देखि बेपत्ता भएका थिए । बेपत्ता बस्नेत हराएको खबर प्रहरीलाई पुग्नासाथ खोजी कार्य ब्यापक बनाइएको थियो ।

उनी सोही भेरी नगरपालिका १२ स्थित सालविसौनाको जंगलमा भीरबाट लडेर करिव १५० मिटर तल खसी मृत अवस्थामा भेटिएको स्थानीयबासीले प्रहरीलाई खवर गरेका थिए । उक्त खबर पाए लगतै प्रहरी चौकी कुदुबाट प्रहरी नायब निरीक्षक रामसिंह धामीको नेतृत्वको  टोली घटनास्थलमा पुगेको  थियो । 

उक्त घटनाका विषयमा थप अनुसन्धान गर्न जिल्ला प्रहरी कार्यालय जाजरकोटबाट प्रहरी निरीक्षक सुनिल थापा नेपालीको नेतृत्वमा प्रहरी घटना स्थल पुगेको जिल्ला प्रहरी कार्यालय जाजरकोटले जनाएको छ ।