काठमाडौँ- नेपाल वायुसेवा निगमले खरिद गरेका दुई न्यारोबडी र दुई वाइडबडी जहाजका लागि लिएको ऋण दायित्वको किस्ता भुक्तानी गरेको छ ।
निगमले सोमबार विज्ञप्ति जारी गर्दै अन्तर्राष्ट्रिय उडानको लागि खरिद गरेका दुई न्यारोबडी र दुई वाइडबडी जहाजको लागि लिएको ऋण दायित्वको २०८० आषाढ महिनाको किस्ताबापत ८२ करोड नौ लाख रुपैयाँ भुक्तानी गरेको जानकारी दिएको हो ।
निगमले आइतबार कर्मचारी सञ्चय कोष र नागरिक लगानी कोषलाई उक्त रकम भुक्तानी गरेको निगमको विज्ञप्तिमा जनाइएको छ ।
यसअघि निगमले २०७९ साल आसारदेखि चैतसम्ममा २ अर्ब ९४ करोड २८ लाख ६५ हजार ८४४ रुपैयाँ किस्ता रकम भुक्तानी गरेको थियो ।
प्रतिक्रिया