काठमाडौँ– सशस्त्र प्रहरीले ९ लाख रुपैयाँ भन्दा बढिको अवैध सामान बरामद गरेको छ । इलामको सुर्योदय नगरपालिका–२ स्थित मानेभन्ज्याङ्ग सीमा इलाकाबाट प्रहरीले हिजो उक्त रकम बराबरको विभिन्न सामान बरामद गरेको हो ।
नेपालबाट भन्सार छली अवैध रुपमा भारततर्फ लैजाँदै गरेको ११ कार्टुन चुरोट, थानको कपडा १४ थान र ३५ कार्टुन चाउचाउ सीमा सुरक्षा गुल्म पशुपतिनगरले बरामद गरेको हो । बरामद सामान आवश्यक कारबाहीको लागि पशुपतिनगर भन्सार कार्यालयमा बुझाइएको छ ।
सशस्त्र प्रहरीलाई देख्नासाथै सामान छाडी व्यक्ति भने फरार भएका थिए । फरारको खोजी कार्य भइरहेको प्रहरीले जनाएको छ ।
प्रतिक्रिया