दोहा – ओमानमा कार्यरत नेपाली श्रमिकहरूलाई मध्यनजर गर्दै राहदानी तथा कन्सुलर सम्बन्धी घुम्ती सेवा हुने भएको छ।

ओमानस्थित नेपाली दूतावासका अनुसार आगामी जुन १६ तारिखमा ओमानको सलालामा राहदानी तथा कन्सुलर सम्बन्धी घुम्ती सेवाको व्यवस्था गरिने जनाएको छ।

राहदानीको लागि मोबाइल किटबाट सलालामा नै लाइभ इनरोलमेन्ट हुनेछ। अतः तुरुन्त राहदानी बनाउन परेको अवस्थामा बाहेक राहदानी बनाउन नेपाली दूतावास मस्कट नआउन त्यहाँ कार्यरत नेपालीहरुलाई दूतावासले अनुरोध छ।

उक्त समयमा एक वर्ष भन्दा कम राहदानीको म्याद भएका सबै सेवाग्राहीहरुले निवेदन दिन सक्ने छन्। विस्तृत जानकारी छिटै उपलब्ध गराइने दूतावासले जारी गरेको सूचनामा भनिएको छ। सलालामा दूतावासका स्वयम् सेवक प्रकाश ढकालसँग ९३२१९१३३ सँग पनि समन्वय गर्न सकिनेछ।