काठमाडौँ– प्रिमियर लिग फुटबलमा टोटनहम हट्सपरले सहज जित निकालेको छ । आज बिहान सम्पन्न खेलमा नोटिङ्घम फोरेस्टलाई २–० गोलले हराउँदै टोटनहम विजयी भएको हो ।
टोटनहमका रिचार्लिसन र देजान कुलुसेव्स्कीले एक–एक गोल गरेका थिए । रिचार्लिसनले पहिलो हाफको इन्जुरी समयमा टोलीका लागि सुरुवाती गोल गरेका थिए भने कुलुसेव्स्कीले ६५औँ मिनेटमा गोल गरेका थिए ।
यो जितसँगै टोटनहम १७ खेलबाट ३३ अंक जोडेर तालिकाको पाँचौँ स्थानमा रहेको छ । पराजित भएको नोटिङ्घम १५ अंकसहित १६औँ स्थानमा छ ।
शीर्षस्थानमा रहेको लिभरपुलले १६ खेलबाट ३७ अंक जोडेको छ भने दोस्रो स्थानको आर्सनलको ३६ अंक छ । यस्तै, तेस्रो स्थानको एस्टन भिल्लाको ३५ अंक छ ।
प्रतिक्रिया