कोलम्बो– श्रीलंकामा तिब्बती धर्मगुरु दलाई लामाको योगदानबारे बौद्धिक गोष्ठी आयोजना गरिएको छ । श्रीलंकाको केलान्या विश्वविद्यालयले लामाको योगदानबारे गोष्ठी आयोजना गरेको हो ।

धर्मगुरु लामाको ८८ औँ जन्मदिनको उपलक्ष्यमा विश्वविद्यालयको मानविकी, समाजशास्त्र एवम् बौद्ध तथा पाली संकायले गोष्ठीको आयोजना गरेको हो ।

सतिपत्थ्यना अखबारका अनुसार लामा तिब्बतीहरुका आध्यात्मिक एवम् धार्मिक गुरु हुन् । बौद्ध धर्मबारे उनले १ सयभन्दा धेरै पुस्तक लेखिसकेका छन् । उनलाई सन् १९८९ मा नोबेल शान्ति पुरस्कार प्रदान गरिएको थियो ।

सन् १९३५ मा ल्हामो धोन्दुपका रुपमा तिब्बतको टाकेस्टरमा जन्मेका उनलाई १३ औँ दलाई लामाको पुनर्जन्मका रुपमा १४ औँ दलाई लामा घोषित गरिएको थियो ।