मकवानपुर– अवैध लागूऔषध अफिम जस्तो देखिने पदार्थसहित तीन जना पक्राउ परेका छन् ।

पक्राउ पर्नेमा  हेटौँडा उपमहानगरपालिका ७ बेलिबृज बस्ने ५६ वर्षीय जय बहादुर मुक्तान, बारा निजगढ नगरपालिका १२ बस्ने २४ वर्षीय बिष्णुलाल थिङ र मकवानपुर बकैया गाउँपालिका ६ बस्ने ३२ वर्षीय दिनेश थिङ रहेका छन् ।

उनीहरूलाई हेटौँडा उपमहानगरपालिका ७ बेलिबृजबाट अवैध लागूऔषध अफिम जस्तो देखिने पदार्थ २ केजी ९ सय ग्रामसहित ३ जनालाई सोमबार राति प्रहरीले पक्राउ गरेको हो ।

विशेष सूचनाको आधारमा प्रदेश प्रहरी कार्यालय बागमती र जिल्ला प्रहरी कार्यालय मकवानपुरबाट खटिएको प्रहरीले साइकलमा आउँदै गरेका उनीहरूलाई जाँच गर्ने क्रममा उक्त पदार्थसहित फेला पारी पक्राउ गरेको हो ।
यस सम्बन्धमा अनुसन्धान गरिरहेको प्रहरीले जनाएको छ ।