काठमाडौँ– एसीसी यू–१९ प्रिमियर कप क्रिकेटमा बहराइनले नेपाललाई ७८ रनको लक्ष्य दिएको छ । 

मलेसियाको बायोमास ओभलमा टस जितेर पहिले ब्याटिङ गरेको बहराइनले ३७ ओभर ५ बलमा अलआउट हुँदै ७७ रन बनायो । 

बहराइनका लागि मोहम्मद बासिल अब्दुल हाकिमले  ३४ रन जोडे । अन्य खेलाडीले दोहोरो अंक बनाउन सकेनन् । 

नेपालका दीपेश कँडेलले ६ विकेट लिए । यस्तै, दुर्गेश गुप्तानको नाममा ४ विकेट रह्यो । 

समूह ‘ए’ को नेपाल लगातार दोस्रो जित निकाल्ने योजनामा छ । पहिलो खेलमा इरानमाथि २ सय ७४ रनको सानदार जित निकालेको थियो ।

आज जितको खण्डमा नेपालको सेमिफाइनल समीकरण बलियो बन्नेछ । समूहको अन्तिम खेलमा नेपालले कात्तिक २ गते साउदी अरेबियाको सामना गर्नेछ ।