वासिंगटन डिसी– पाँच वर्षअघि अवैध रूपमा बन्दुक किनेको मुद्दामा अमेरिकी राष्ट्रपति जो बाइडेनका छोरा हन्टरलाई दोषी ठहर गरिएको छ।

अमेरिकी न्याय विभागले हन्टर बाइडेनलाई कर र हतियारसम्बन्धी मुद्दामा दोषी ठहर गरेको छ। यसलाई अमेरिकी राष्ट्रपतिका लागि ठूलो धक्का मानिएको छ । हन्टरलाई हतियार किन्न धेरै पटक झूट बोलेको आरोप छ।

यो उल्लेखनीय छ कि हन्टर विरुद्ध अनुसन्धान लामो समय देखि चलिरहेको थियो। जसका कारण पनि राष्ट्रपति बाइडेनको समस्या थप बढ्दै गएको छ । अमेरिकी संसदका सभामुखले पनि हालै संसदीय समितिलाई राष्ट्रपति जो बाइडेनविरुद्ध महाभियोगको छानबिन गर्न अनुमति दिएका थिए।

न्युयोर्क पोस्टको रिपोर्टका अनुसार अमेरिकी राष्ट्रपति जो बाइडेनका छोरा हन्टर बाइडेनलाई लागूऔषध दुर्व्यसन र अवैध बन्दुक राख्ने तीनवटा मुद्दामा दोषी ठहर गरिएको हो । यसअघि हन्टर बाइडेनलाई डेलावेयरमा विशेष सल्लाहकार डेभिड वेइसले दोषी ठहर गरेका थिए।

यस बाहेक हन्टर विरुद्धको आरोप पुष्टी भएमा २५ वर्षसम्म जेल सजायँ हुन सक्छ र यो उनको विरुद्ध धेरै आपराधिक मुद्दाहरू मध्ये पहिलो हुन सक्छ। ५३ वर्षीय हन्टरले डीसी र लस एन्जलसमा कर छली र अवैध विदेशी लबिङका मुद्दाहरू पनि सामना गर्नु पर्ने भएको छ ।

यद्यपि हन्टर बिडेनलाई २०१८ मा बन्दुक खरिद फारममा लागू पदार्थको प्रयोगको बारेमा झूटो बोलेको आरोप पनि लगाइएको थियो जब उनले कोल्ट कोब्रा रिभल्भर किनेका थिए। न्युयोर्क पोस्टका अनुसार उनले आफ्नो २०२१ संस्मरण ‘ब्यूटीफुल थिंग्स’ मा लेखेका थिए कि उनले त्यस समयमा लागूपदार्थ प्रयोग गर्थे ।