काठमाडौँ- नेकपा एमालेका अध्यक्ष केपी शर्मा ओली र पार्टीका असन्तुष्ट नेता भीम रावलबीच भेटवार्ता भएको छ ।
अध्यक्ष ओलीको सचिवालय बालकोटले सामाजिक सञ्जालमा रावलसँगको तस्वीर राख्दै दुई जनाबीच भेटवार्ता भएको जनाएको हो । पार्टीको १०औं महाधिवेशनमा अध्यक्ष पदमा ओली र रावलबीच प्रतिस्पर्धा भएको थियो । त्यसयता रावल र ओलीबीचको सम्बन्ध तिक्ततापूर्ण रहँदै आएको छ ।
केही महिनाअघि रावललाई पार्टी काममा फर्काउन भन्दै अध्यक्ष ओलीले उपाध्यक्ष विष्णु पौडेलको नेतृत्वमा तीन सदस्यीय वार्ता टोली गठन गरेका थिए । आजको उनीहरूको भेटलाई अर्थपूर्ण रूपमा हेरिएको छ ।
प्रतिक्रिया