पेरिस- फ्रान्सले आफ्नो राष्ट्रिय दिवसमा भारतीय प्रधानमन्त्री नरेन्द्र मोदीलाई विशेष अतिथीका रुपमा निम्तो दिएको छ । यसअनुसार आगामी जुलाई १४ मा फ्रान्सको राजधानी पेरिसमा आयोजना हुने बस्टाइल डे परेडमा प्रधानमन्त्री मोदी विशेष अतिथीका रुपमा सहभागी हुनेछन् ।

फ्रान्सेली राष्ट्रपति इम्मानुएल म्याक्रोंले मोदीलाई विशेष अतिथीका रुपमा निम्ता दिएको र यसलाई मोदीले स्वीकार गरेको भारतीय विदेश मन्त्रालयले जनाएको छ ।

यस अवसरबाट दुई मुलुकबीचको सम्बन्ध अझ प्रगाढ बन्दै जाने विश्वास लिइएको छ । सन् १७८९ मा फ्रान्सेली क्रान्तिका बेला त्यहाँका जनताले पेरिसमा रहेको बस्टाइल दरबारमा आक्रमण गरेको सम्झनास्वरुप फ्रान्समा हरेक वर्ष जुलाई १४ मा बस्टाइल डे मनाइने गरिएको छ ।