काठमाडौँ– राष्ट्रिय प्रजातन्त्र पार्टी (राप्रपा)का अध्यक्ष राजेन्द्रप्रसाद लिङ्देनले कोसी प्रदेशमा कांग्रेस, एमाले र माओवादी मिल्नु राम्रो भएको बताएका छन् ।

कोसी प्रदेशमा कांग्रेसका प्रदेश सांसद केदार कार्की एमालेको समर्थनमा मुख्यमन्त्री बनेपछि सामाजिक सञ्जाल फेसबुकमार्फत उनले आफूले निरन्तर दिँदै आएको सुझावले सार्थकता पाएको बताए ।

अध्यक्ष लिङ्देनले घुमिफिरी सत्तारुढ गठबन्धन र प्रमुख प्रतिपक्षको सहकार्यमा मुख्यमन्त्रीको नियुक्ति भएको उल्लेख गर्दै अब अहिलेको व्यवस्था र अवस्थाका पक्षधरहरू एकातर्फ र विपक्षीहरू अर्कोतर्फ हुने बेला आएको बताए । 

उनले यस किसिमको ध्रुवीकरणलाई तीव्र पार्नुपर्ने बताउँदै आफूहरू विपक्षमा रहने स्पष्ट पारेका छन् ।