महेन्द्रनगर- कञ्चनपुरको पुनर्वास नगरपालिकाका एक कर्मचारीसहित दुई जना लागूऔषधसहित पक्राउ परेका छन् । पुनर्वास नगरपालिका १० नम्बर वडा कार्यालयका प्राविधिक सहायक कृष्ण बडूसँगै असिम थापालाई लागूऔषधसहित प्रहरीले पक्राउ गरेको हो ।
नगर प्रमुख तोय प्रसाद शर्माले पुनर्वास नगरपालिका ६ स्थित एक निर्माणाधीन घरबाट उनीहरूलाई पक्राउ गरिएको बताए । कर्मचारी बडू र अर्का युवकको साथबाट पाँच सय ४१ मिलिग्राम लागूऔषध खैरो हिरोइन बरामद गरिएको प्रहरीले जनाएको छ ।
उनी शुक्रबार कार्यालयमा अनुपस्थित रहेको बुझिएको छ । स्रोतका अनुसार सहायक वडासचिव समेत रहेका बडू करारका कर्मचारी हुन् ।
प्रतिक्रिया