काठमाडौँ- नेकपा एमालेका सांसद रघुजी पन्तले मिटरब्याजसम्बन्धी विधेयक सरकारले अघि बढाउन नचाहेको आरोप लगाएका छन् ।

शुक्रबार प्रतिनिधिसभा बैठकमा पन्तले एमालेका कारण विधेयक पास भएन भनेर भ्रम फेलाउँदै हिड्ने सरकारले सदन चल्दा पनि मिटरब्याजसम्बन्धी विधेयक अघि बढाउन नचाहेको आरोप लगाएका हुन् । उनले उक्त विधेयक रोकिनुको कारणबारे सरकारले जवाफ दिनुपर्ने माग गरे ।

त्यस्तै, सांसद पन्तले आफूले विधेयक नल्याउने तर दोष एमालेमाथि लगाउने कुरा उचित नभएको बताए ।

उनले संगीत नाट्य प्रतिष्ठानको भवनका लागि छुट्याएको १५ रोपनी जग्गा निजी क्षेत्रलाई भाडामा दिन तयार हुने तर संस्कृतिको जगेर्नाका लागि भने सरकारले कुनै काम गर्न नसकेको धारणा राखे । उनले आफू राजतन्त्रवादी नभएपनि गणतन्त्रवादीहरुले राम्रा काम राजाहरुबाट पनि सिक्न हुने तर्क गरे ।