बैतडी- आफ्नै २ वर्षीय नातिको हत्या गरेको आरोपमा ५० वर्षीय हजुरबुबा पक्राउ परेका छन् ।

बैतडीको पुर्चौडी नगरपालिका ६ मुरेलीधार बस्ने ५० वर्षीय गणेश साउदलाई आफ्नै नातिको हत्या गरेको आरोपमा प्रहरीले पक्राउ गरेको हो ।

गणेशले २ वर्षे नाति रेशम साउदको हत्या गरेको र अर्का ८ वर्षीय नाति रिजन साउदलाई कुटेर गम्भीर घाइते बनाएको प्रहरीले जनाएको छ । कुटपिटबाट गम्भीर घाइते भएका रेशमको डडेल्धुरा अस्पतालमा उपचारको क्रममा मृत्यु भएका हो ।

घाइते रिजनलाई सोही अस्पताल हुँदै थप उपचारको लागि मायामेट्रो अस्पाताल धनगढी पठाइएको छ । घटनाको खबर प्राप्त हुनासाथ इलाका प्रहरी कार्यालय र अस्थाई प्रहरी पोष्ट टोल्यामोडबाट खटिएको प्रहरीले कुटपिटमा संलग्न गणेशलाई पक्राउ गरेको हो । यस सम्बन्धमा प्रहरीले आवश्यक अनुसन्धान गरिरहेको छ ।