काठमाडौँ- बुधबार पनि सेयर बजार उकालो लागेको छ । आइतबारबाट सुधारोन्मुख भएको सेयर बजार आज पनि उकालो लागेको हो । आज नेप्से परिसूचक १६.४२ अंकले बढेर २०३७.०६ विन्दुमा पुगेको छ।
१ करोड २५ लाख ६१ हजार ४४० कित्ता सेयर किनबेच हुँदा ५ अर्ब १ करोड ७८ लाख ७ हजार ६८२ रुपैयाँको कारोबार भएको छ ।
नेप्सेमा कुल २२३ सूचीकृत कम्पनीको सेयर कारोबार भएकोमा १२६ कम्पनीको सेयर मूल्य बढ्दा ९१ कम्पनीको सेयर मूल्य ओरालो लागेको छ ।
साथै ६ कम्पनीको भाउ स्थिर छ । बुधबार सर्वाधिक शिवम् सिमेन्टको २८ करोड १७ लाख रुपैयाँको सेयर कारोबार भएको छ ।
प्रतिक्रिया