नयाँ दिल्ली – भारतमा कर्नाटक राज्यमा भएको विधानसभा चुनावको नतिजा आएको छ। कर्नाटकका मतदाताले कांग्रेसलाई स्पष्ट बहुमत दिएका छन्।

शनिवार राति सम्पन्न अन्तिम परिणामअनुसार कांग्रेसले १ सय ३७ सिटमा विजयी हासिल गरेको छ। सरकार बनाउन आवश्यक १ सय १३ सिट भन्दा बढी स्थानमा विजयी हासिल गरेर कांग्रेस कर्नाटकमा पहिलो भएको छ।

दोस्रो स्थानमा भारतीय जनता पार्टी (बिजेपी) रहेको छ। ६५ सिट मात्र जिते पछि भाजपाले कर्नाटक चुनावमा आफ्नो पराजय स्वीकार गरेको छ। जेडीएसले १९ सिटमा जीत हासिल गर्दा अन्य दलले ३ सिट पाए।

कर्नाटकमा बिगत ३८ वर्षदेखिको निर्वाचनको परम्परा यसपटक कायम रहन पुगेको छ। अर्थात्, कर्नाटकमा मतदाताले सरकार दोहोर्‍याउन दिएका छैनन्।

कर्नाटक निर्वाचनमा भाजपाको पराजयको जिम्मेवारी लिएर बसवराज बोम्मईले मुख्यमन्त्री पदबाट राजीनामा दिएका छन्। उनले गभर्नरलाई राजीनामा बुझाए। मुख्यमन्त्री बोम्माईले आफ्नो पार्टीले यो हारको कारणको बारेमा समीक्षा गर्ने बताए।