काठमाडौँ- लेबनानको भ्रमणमा रहेका इरानी विदेशमन्त्री होसेन अमीरअब्दुल्लाहियानले ऊर्जा उत्पादनका लागि मद्दत गर्न आफ्नो देशले लेबनानको पावर प्लान्टहरूको पुनर्स्थापना गर्न सहयोग गर्न तयार रहेको बताएका छन् ।

‘हामी आधिकारिक रूपमा पुष्टि गर्न चाहन्छौँ लेबनानमा पावर प्लान्टहरू पुनर्स्थापना गर्न र लेबनानी सरकारसँग भएको सहमति अनुसार देशलाई ऊर्जा उत्पादन गर्न मद्दत गर्न नयाँ निर्माण गर्न हामी पूर्ण रूपमा तयार छौँ’ अमिरअब्दुल्लाहियनले भने ।

राजधानी बेरुतमा आफ्ना लेबनानी समकक्षी अब्दुल्लाह बो हबीबसँग पत्रकार सम्मेलनमा उनले सो धारणा सार्वजनिक गरेका हुन् ।

साथै इरानी अधिकारीले लेबनानलाई ऊर्जा उत्पादनका लागि इन्धन उपलब्ध गराउन पनि तयार रहेको बताएका छन् ।