काठमाडौं- राष्ट्रियसभाका अध्यक्ष गणेशप्रसाद तिमिल्सिनाले कानुन कार्यान्वयनमा इमान्दार प्रयन्त नहुँदा जनतामा निराशा छाएको बताएका छन् ।

राष्ट्रियसभाअन्तर्गत दिगो विकास तथा सुशासन समितिले बुधबार काठमाडौंमा आयोजना गरेको कार्यक्रममा तिमिल्सिनाले जिम्मेवारी बहन गर्नेहरुले कानुन कार्यान्वयनमा इमान्दार प्रयन्त नगर्दा जनतामा निराशा छाएको बताएका हुन् ।

चुनावमा दलहरुले घोषणापत्रमा उल्लेख गरेका कुराहरुलाई कार्यान्वयन नगर्दा पनि समस्या देखिएको उनले बताए । हिजोको त्यागकाअनुसार जनताले नेताहरुलाई विश्वास नगर्ने भन्दै उनले वर्तमानमा नजितामुखी काम गर्नुपर्ने जिकिर गरे । उनले अधिकार केन्द्रित गर्ने भावना देखिएको भन्दै यसले सन्तुलित विकास हुन नसक्ने बताए ।

तिमिल्सिनाले स्थानीय र प्रदेशको बजेटको नियन्त्रण सङ्घबाट हुँदा पनि अहिले समस्या देखिएको धारणा राखे ।