काठमाडौँ– म्यानचेस्टर युनाइटेड यूईएफए च्याम्पियन्स लिगबाट बाहिरिएको छ ।

गएराती सम्पन्न समुह चरणको अन्तिम खेलमा बायर्न म्युनिखसँग १–० गोल अन्तरले पराजित भएसँगै म्यानचेस्टर युनाइटेड च्याम्पियन्स लिगको समुह चरणबाट बाहिरिएको हो ।

समुह ‘ए’ अन्तर्गतको यस खेलमा बायर्नले १–० गोल अन्तरले म्यानचेस्टरलाई पराजित गरेको थियो ।

बायर्नको जितमा किंग्स्ली कोम्यानले खेलको ७०औँ मिनेटमा गरेको गोल नै खेलको निर्णायक गोल बनेको थियो ।

यो जितपछि बायर्न म्युनिख समुह ‘ए’ मा ६ खेलमा १६ अंकसहित शीर्ष स्थानमा रहेर राउण्ड अफ १६ मा पुगेको छ । साथै समुह ‘ए’ बाट कोपनहेगन ६ खेलमा ८ अंकसहित दोस्रो हुँदै राउण्ड अफ १६ मा पुगेको छ ।

त्यस्तै म्यानचेस्टर युनाइटेडको ६ खेलबाट ४ अंक रहेको छ र समुह ‘ए’ को पुछारमा रहेको छ ।