काठमाडौँ– यूईएफए च्याम्पियन्स लिग फुटबलमा लेन्सले जित निकालेको छ । गएराति भएको खेलमा सेभिल्लालाई २–१ गोलले हराउँदै लेन्स विजयी भएको हो ।
लेन्सका लागि प्रजेमिस्लाव फ्रान्कोव्स्की र एन्जेलो फुलगिनीले एक–एक गोल गरेका थिए । सेभिल्लाका सेर्गियो रामोसले एक गोल फर्काएका थिए ।
खेलको ६३औँ मिनेटमा लेन्सका फ्रान्कोव्स्कीले सुरुवाती गोल गर्दा ७९औँ मिनेटमा सेभिल्लाका रामोसले एक गोल फर्काएका थिए ।
त्यसपछि इन्जुरी समयकाे अन्तिम मिनेटमा लेन्सका फुलगिनीले गोल गर्दै टोलीलाई जित दिलाए ।
जारी लिगमा समूह बी मा रहेको लेन्स ६ खेलबाट ८ अंकका साथ तेस्रो स्थानमा रहँदा पराजित भएको सेभिल्ला २ अंकसहित अन्तिममा छ ।
प्रतिक्रिया