गोरखा – गोरखाको चुमनुब्री गाउँपालिका वडा नम्बर ३ सल्लेरीनजिकै ढुङ्गा लागेर घाइते भएका ४८ वर्षका गणेश गुरुङलाई उद्धार गरी हेलिकप्टरबाट काठमाडौँ ल्याइएको छ।
पहाडबाट खसेको ढुङ्गा लागेर गुरुङ गम्भीर घाइते भएका थिए। मनास्लु पदमार्गमा हिँडिरहेका बेला गुरूङमाथि भिरबाट खसेको ढुङ्गा लागेको हो।
उनलाई बुधबार नेपाली सेनाको हेलिकप्टरमार्फत उद्धार गरी उपचारका लागि काठमाडौं ल्याइएको छ। हाल उनको राष्ट्रिय ट्रमा सेन्टरमा उपचार भइरहेको छ।
गोरखा १ का सांसद राजेन्द्र बजगाईँले ढुङ्गा लागेर घाइते गुरुङलाई प्रधानमन्त्री विपद् व्यवस्था कोष कार्यक्रमसँग समन्वय गरी उद्दार गरिएको बताए।
प्रतिक्रिया