काठमाडौँ- कैलालीको धनगढी उपममहानगरपालिका ३ बोराडाडीमा जुवातास खेलिरहेको अवस्थामा होटेल सञ्चालकसहित ४ जना पक्राउ परेका छन् ।
प्रहरीले बैतडी दोगडा केदार गाउँपालिका ५ घर भएका ३० वर्षीय वीरेन्द्र चन्दको चन्द फास्टफुड होटलमा जुवातास खेलिरहेको अवस्थामा होटेल सञ्चालक चन्दसहित ४ जनालाई पक्राउ गरेको हो ।
विशेष सूचनाको आधारमा वडा प्रहरी कार्यालय धनगढीबाट खटिएको प्रहरीले उनीहरूलाई पक्राउ गरेको हो । उनीहरुको साथबाट नगद १ लाख ४ हजार रुपैयाँ र एक गड्डी ताससमेत बरामद गरिएको प्रहरीले जनाएको छ ।
यस सम्बन्धमा प्रहरीले थप अनुसन्धान गरिरहेको छ ।
प्रतिक्रिया