मनिला- फिलिपिन्सले चीनको महत्वकांक्षी बेल्ट एण्ड रोड इनिसिएटिभ (बीआरआई) परियोजनाबाट बाहिरिने घोषणा गरेको छ । एसिया टाइम्सले जनाएअनुसार फिलिपिन्सको यातायात विभागले बीआरआई परियोजनाबाट पूर्ण रुपमा बाहिरिने घोषणा गरेको हो ।

चीनले यस परियोजना अन्तर्गत फिलिपिन्सलाई २४ अर्ब अमेरिकी डलर प्रदान गर्ने बाचा गरेको थियो । तर यसमध्ये अधिकांश रकम चीनले फिलिपिन्सलाई प्रदान नगरेको एसिया टाइम्सले जनाएको छ ।

पछिल्लो समय दुई मुलुकको सम्बन्धमा तिक्तिता बढिरहेका बेला फिलिपिन्सले यस्तो घोषणा गरेको हो । केही समयअघि दक्षिण चीन सागरको विवादित क्षेत्रमा दुई मुलुकका सैन्य पानीजहाज आमने सामने भएपछि सम्बन्ध अझ खराब बन्दै गइरहेको छ ।

टाइम्स अफ इन्डियाका अनससार फिलिपिन्सले दक्षिण चीन सागरमा बढ्दो चिनियाँ नौसैनिक गतिविधि बढ्दै गएको भन्दै बारम्बार चिन्ता व्यक्त गर्दै आएको छ ।