मधेश प्रदशकी जसपा सांसद विन्दुकुमारी यादवको निधन

२६ भदौ २०८०, मंगलबार

पढ्न लाग्ने समय : < 1 मिनेट

काठमाडौँ– जनता समाजवादी पार्टी (जसपा) की मधेश प्रदेश सांसद विन्दुकुमारी यादवको निधन भएको छ।

लामो समयदेखि क्यान्सर रोगले ग्रसित यादवको आज बिहान जनकपुर प्रादेशिक अस्पतालमा मृत्यु भएको हो ।

पाठेघरको मुखको क्यान्सरबाट ग्रसित उनको लामो समयदेखि उपचार चलिरहेको थियो।

यादव गत निर्वाचनमा जसपाबाट समानुपातिक सांसद बनेकी थिइन् ।

४१ वर्षीया यादवले २०७२ सालको मधेश आन्दोलनमा नेतृत्वदायी भूमिका खेलेकी थिइन् ।

प्रकाशित मिति : २६ भदौ २०८०, मंगलबार १० : ४२ बजे

प्रतिक्रिया