काठमाडौँ – अमेरिका पठाइदिन्छु भनी रकम ठगी गर्ने एक जना पक्राउ परेका छन् ।

पक्राउ पर्नेमा काठमाडौँ महानगरपालिका वडा नं २० स्थायी भएका ५६ वर्षीय ओम शाक्य रहेका छन् ।

उनले पासाङ ल्हामु शेर्पालाई वैदेशिक रोजगारीका लागि अमेरिका पठाइदिन्छु र प्रतिष्ठित हाेटलमा मासिक दुई लाख सम्मको तबल हुने काम लगाइ दिन्छु भनी प्रलोभनमा पारी पटक पटक गरी १५ लाख रुपैयाँ लिई सम्पर्क विहीन भएका थिए ।

उनलाई ठगि गरेकाे आराेपमा वैदेशिक रोजगार विभागबाट काठमाडौँ उपत्यका अपराध अनुसन्धान कार्यालयमा पक्राउ गरी उपस्थित गराइदिन हुन भनी पत्राचार भएकोमा उक्त कार्यालय मिनभवनबाट खटिएको विशेष प्रहरी टोलीले खोजतलास गर्ने क्रममा शुक्रबार कालीमाटीबाट पक्राउ गरेको हो ।

उनीलाई थप अनुसन्धान तथा कारबाहीको लागि वैदेशिक रोजगार विभाग बुद्ध नगर काठमाडौँ पठाइएको प्रहरीले जनाएको छ ।