काठमाडौँ – इन्डियन प्रिमियर लिग (आईपीएल) क्रिकेटमा यशस्वी जयसवालको कीर्तिमानी ब्याटिङमा राजस्थान रोयल्सले सानदार जित हासिल गरेको छ ।
बिहीबार राति भएको खेलमा राजस्थानले कोलकाता नाइटराइडर्सलाई ९ विकेटले हराएको हो । राजस्थानले १५० रनको लक्ष्य १३.१ ओभरमै पूरा गर्यो ।
राजस्थानको जितमा जयसवालले नटआउट ९८ रन जोडे । पहिलो ओभरमै २६ रन बनाएका यशस्वीले १३ बलमै अर्धशतक पूरा गरेका थिए। आईपीएलमा यो सबैभन्दा छिटो अर्धशतक बनेको रेकर्ड हो । यसअघि केएल राहुलले १४ ओभरमा अर्धशतक बनाएको रेकर्ड थियो ।
घरेलु मैदान इडन गार्डेनमा टस हारेर पहिले ब्याटिङ गरेको कोलकत्ताले निर्धारित २० ओभरमा ८ विकेट गुमाएर १ सय ४९ रन बनाएको थियो।
प्रतिक्रिया