काठमाडौँ- चालु आर्थिक वर्षको सात महिनामा देशको वैदेशिक मुद्राको सञ्चिति १३.८ प्रतिशतले बढेर १३ खर्ब ८३ अर्ब ३३ करोड रुपैयाँ पुगेको छ ।
नेपाल राष्ट्र बैंकले सार्वजनिक गरेको चालु आर्थिक वर्षको साउनदेखि माघ मसान्तसम्मको वित्तीय विवरणअनुसार वैदेशिक मुद्राको सञ्चिती बढेको हो ।
चालु आवको असार मसान्तसम्म ९ अर्ब ५४ करोड डलर सञ्चिति रहेकोमा माघ मसान्तमा १० अर्ब ५० करोड डलर कायम भएको छ ।
यसअनुसार विदेशी मुद्राको सञ्चितिले १०.८ महिनाको वस्तु आयात र ९.४ महिनाको वस्तु तथा सेवा आयात धान्न पर्याप्त रहने राष्ट्र बैंकले जनाएको छ ।
प्रतिक्रिया