काठमाडोँ– भूपेन्द्रबहादुर भण्डारीको डेब्यु निर्देशन तथा नेपाल आइडल सीजन-२ का विजेता रवि ओडको स्वरमा रहेको ‘त्यो मान्छे’ बोलको गीत सार्वजनिक भएको छ ।  

भीम विसीले संगीत भरेको गीतमा राज भण्डारी र सविना राउतको मुख्य भूमिका रहेको छ भने, निर्देशक भण्डारी, दृष्टि केसी लगायतको अभिनय रहेको छ । नव निर्देशक भण्डारीको सांगीतिक कथावस्तुले यो म्युजिक भिडियोको मर्मलाई न्याय दिएको निर्माता कृष्णा चौलागाइँले बताइन् । 

गायक ओडले म्युजिक भिडियोले गीतको मर्मा नमारेको बताए । उनले निर्देशक भण्डारी तथा कलाकारहरूलाई बधाई तथा शुभकामना दिए ।

जनसवाल मिडिया प्रालिले उत्पादन  गरेको उक्त म्युजिक भिडियो सवाल मिडियाले बजारमा ल्याएको छ ।