कोलकाता — आइसिसी एकदिवसीय विश्वकप क्रिकेटमा इंग्ल्यान्डले पाकिस्तानलाई ९३ रनले पराजित गरेको छ । पराजित भएसँगै पाकिस्तानको सेमिफाइनल सम्भावना सकिएको छ । प्रतियोगितमा पाकिस्तान आठ अंक जोड्दै पाँचौ स्थानमा सीमित रह्यो ।

३३८ रनको लक्ष्य पछ्याएको पाकिस्तान ४३.३ ओभरमा २४४ रनमा अलआउट भयो। पाकिस्तानका लागि अघा सलमानले ५१ रन बनाए । इंग्लिस बलर डेविड वेलीले तीन विकेट लिए ।

शनिबार कोलकतामा टस जितेर पहिले ब्याटिङ गरेको इंग्ल्यान्डले ९ विकेटको क्षतिमा ३३७ रन जोड्यो। इंग्ल्यान्डका लागि वेन स्कोक्सले ८४ रन, जोए रुटले ६० रन र जोनी बार्यस्टोले ५९ रन बनाए । पाकिस्तानका हरिस रउफले ३ विकेट लिए । भने शाहीन शाह अफ्रिदी र मोहमद वासीमले २/२ विकेट हात पारे।

अब सेमिफाइनलमा शीर्ष स्थानको भारत र चौथो स्थानको न्युजिल्यान्ड र दोस्रो स्थानको दक्षिण अफ्रिका र तेस्रो स्थानको अस्ट्रेलियाले प्रतिस्पर्धा गर्नेछन्।