कतिपय घरमा चराचुरुङ्गीले गुँड लगाएको पाइन्छ । वास्तुशास्त्रमा पशुपक्षी, कीरा घरमा प्रवेश गर्दा वा अनौठो व्यवहार देखाउँदा शुभ–अशुभ दुवै फल प्राप्त हुने बताइएको छ । जीवजन्तुका घटना र व्यवहारलाई वास्तु शास्त्रमा सङ्केतका रूपमा समेत बुझिन्छ ।

धेरैको घरमा परेवाले गुँड लगाएको देखिन्छ । गाउँघरतिर आफैँले जोडी परेवा किनेर ल्याएर पनि पाल्ने गर्छन् । परेवा एक शान्त स्वभावको पन्छी हो । जसका कारण जो कोहीले पनि परेवालाई अत्यन्तै मन पराउँछन् ।

परेवालाई माता लक्ष्मीको भक्त मानिन्छ । तसर्थ जुन घरमा परेवाको गुँड हुन्छ त्यस घरमा सदैव सुखशान्ति हुने मान्यता छ ।

विभिन्न मठ मन्दिरहरूमा गएर मानिस परेवालाई दैनिक पानी दाना दिने गर्छन् । परेवाले कसैको घर वरपर गुँड बनायो भने उनीहरूमा सकारात्मक प्रभाव पर्न सक्ने कयौँ विश्वास छ ।

वास्तुशास्त्र अनुसार कसैको घरमा परेवा आउन थालेको छ वा वरपर आफैँ गुँड बनाएर बसेको छ भने घरमा सुख, शान्ति र उन्नति मिल्ने सङ्केत हुनसक्छ ।