भरतपुर- चितवनको भरतपुर महानगरको विभिन्न ठाउँमा पानी पर्ने विश्वासमा भ्यागुताको विवाह गरिएको छ ।
लामो समयदेखि खडेरी परेर तापक्रम बढेसँगै आत्तिएर स्थानीयले धार्मिक परम्पराअनुसार भ्यागुताको बिहे गरेका हुन् ।
आज भरतपुर महानगरपालिका–५ सापकोटा चोकमा विवाह गरिएको हो । शनिबार पनि भरतपुर–९ काँडाघारी टोलमा भ्यागुताको विवाह गरिएको थियो ।
बाजागाजा र नाँचगानसहित गरिएको विवाहमा ठूलो संख्यामा मानिसको सहभागिता रहेको थियो ।
विगत केही सातादेखि पानी पर्न नसकेका कारण मौसममा आएको अत्यधिक तापक्रमले आक्रान्त जनताको शीतलताको कामना गर्दै भ्यागुताको बिहे गरेका हुन् ।
प्रतिक्रिया