बेइजिङ- चीनको युनान प्रान्तको ग्रामीण क्षेत्रमा गिर्जाघर सञ्चालक चाङ हाओ बन्दीगृहमा अस्वस्थ भएका छन् । बाइबलको श्लोक लेखिएको मास्क वितरण गरेको आरोपमा पक्राउ परेका उनको स्वास्थ्य अवस्था बिग्रिँदै गएको हो ।

युनान प्रान्तको झाओतोङ सहरको जनअदालतले उनलाई जेलमा राख्ने आदेश दिएको छ । यसअघि गत अप्रिलमा उनले सञ्चालन गरेको चर्चमा प्रहरीले छापा मारी बाइबल र अन्य इसाई पुस्तकहरु जफत गरेको थियो ।

उनलाई ‘निहुँ खोजेको र समस्या निम्त्याएको’ आरोपमा जेल चलान गरिएको बताइएको छ । चीनमा राजनीतिक तथा धार्मिक आलोचकहरुलाई यस्तै आरोपमा पक्राउ गर्ने गरिएको छ ।

उनका परिवारले विभिन्न मानव अधिकारवादी संस्थाहरुसँग सम्पर्क गरी हाओलाई रिहा गराइदिन आग्रह गर्दै आएका छन् ।