काठमाडौँ – वैदेशिक रोजगारीको लागि कतार पठाइदिन्छु भनी  रकम ठगी गरेको आरोपमा १ जनालाई प्रहरीले पक्राउ गरेको छ । 

 मोरङको पथरी शनिश्चरे नगरपालिका–७ घर भई हाल काठमाडौँको मनमैजु बस्ने ३३ वर्षीय भीमबहादुर तामाङलाई प्रहरीले पक्राउ गरेको हो ।

पीडित अनिता मगरातीलाई वैदेशिक रोजगारीको लागि कतार पठाइदिन्छु भनेर उनले १ लाख ८६ हजार रुपैयाँ ठगी गरेको आरोप छ । कतार पुगेपछि पार्लरमा काम लगाइदिने र मासिक ६० हजार रुपैयाँ तलब हुन्छ भनी विश्वास दिलाइ प्रलोभनमा पारेर उनले पटक-पटक गरी १ लाख ८६ हजार रुपैयाँ रकम लिएको प्रहरीले जनाएको छ ।

रकम लिइसकेपछि तामाङ सम्पर्कविहीन भएकाले पीडितले वैदेशिक रोजगार विभागमा निवेदन दिएकी थिइन् । विभागको अनुरोधमा प्रहरीले तामाङको खोजतलास गर्ने क्रममा  उनलाई बसुन्धराबाट पक्राउ गरिएको हो । 

 गरी थप अनुसन्धान तथा कारवाहीका लागि वैदेशिक रोजगार विभाग ताहाचलमा पठाएको प्रहरीले जनाएको छ ।