धनगढी– नेकपा एमाले सुदूरपश्चिम प्रदेश अधिवेशन अन्तर्गत आज हुने मतदानका लागि चारजनाले उम्मेदवारी दिएका छन् । 

प्रदेश अध्यक्षका लागि प्रदेश कमिटीका वर्तमान उपाध्यक्ष कमल तिमिल्सिना, प्रदेश सचिवालय सदस्य कृष्णप्रसाद जैसी, भरतबहादुर साउद र बचनबहादुर सिंहले उम्मेदवारी दिएका छन् ।

निर्वाचन समितिले आज बिहान ७ देखि साढे ९ बजेसम्म उम्मेदवारी दर्ता र उम्मेदवारको प्रारम्भिक नामावली बिहान साढे ११ बजे प्रकाशनको समय निर्धारण गरेको थियो । निर्वाचन समितिका अनुसार साढे १२ देखि २ बजेसम्म उम्मेदवारी फिर्ताको समय ताेकिएकाे छ ।

निर्वाचन तालिकाअनुसार आज दिउँसो साढे २ बजे उम्मेदवारको अन्तिम नामावली प्रकाशन हुनेछ। यस्तै, बेलुका ५ बजेदेखि मतदान सुरू गर्ने निर्वाचन समितिको तयारी छ ।