धनगढी – कैलालीको फल्टुडेमा कुखुराका चल्ला र दाना बोकेको गाडी (बोलेरो जिप) दुर्घटनामा परेको छ ।
धनगढीबाट दिपायल–सिलगढी नगरपालिकाको पिपल्ला जाँदै गरेको से १ प ६१५६७ नम्बरको जिप फल्टुडेमा दुर्घटना भएको हो । कालासैन सप्लायर्सको दाना र चल्ला बोकेको जिप दुर्घटनामा परेको सप्लायर्सका सञ्चालक वीरेन्द्र पार्कीले बताए । उनका अनुसार जिप दुर्घटना हुँदा दुई हजार चल्ला मरेका छन् भने दाना काम नलाग्ने भएको छ ।
चल्ला र दानासहित करिब तीन लाखसम्मको नोक्सान भएको उनले बताए। जिप चालक शिरिष खड्का फरार रहेको उनको भनाई छ । जिप नालिमा खसेको हो ।
प्रतिक्रिया