दमौली- तनहुँको दमौलीमा शनिबार ‘लाहुरेको रेलिमाई’ का लेखक विजय हितानसँग स्रष्टा साक्षात्कार कार्यक्रम सम्पन्न भएको छ ।

स्रष्टा साक्षात्कार कार्यक्रममा गण्डकी प्रदेशका आर्थिक मामिलामन्त्री जितप्रकाश आलेले लाहुरे प्रथाको २ सय वर्षभन्दा लामो इतिहासलाई ‘लाहुरेको रेलिमाई’ ले जीवन्त राख्ने बताए । मन्त्री आलेले भने ‘लामो समयको अध्ययन, अनुसन्धान र भ्रमणपश्चात लेखिएको यस उपन्यासको नेपाली साहित्यमा महत्वपूर्ण योगदान रहनेछ ।’

‘लाहुरेको रेलिमाई’ व्यङ्ग्यकार तथा प्रथम गोर्खा राइफल्सका सैनिक मास्टर मित्रसेनको जीवनमा आधारित युद्ध उपन्यास हो । आफ्नो मन्तव्यको क्रममा उपन्यासकार हितानले ‘लाहुरेको रेलीमाई’ लाई प्रस्तुत गर्न पाउँदा आफूलाई खुशी लागेको विचार व्यक्त गरे ।

कार्यक्रममा विद्यार्थी, नेपल प्रहरी र सेनाका अधिकृत, भारतीय गोर्खाका भूपू सैनिक, र विभन्न संघसंस्थाका पदाधिकारी सहभागी थिए ।