बन्द गर्छु आँखाहरू अनि पो आउँछौ तिमी
आँखा खोली बोलाऊँ भन्छु हराउँछौ तिमी
बेमौसमी याद बनि हरप्रहर सताउँछौ तिमी
ओठ छेउ आइदिउँ भने लजाउँछौ तिमी

हजारौँको भिडमा खोजिरहेँ तिमीलाई
लाखौँबाट एक मानिस रोजिसकेँ तिमीलाई
बाडुलीको बाटो भई कतिखेर धाउँछौ तिमी
बन्द गर्छु आँखाहरू अनि पो आउँछौ तिमी
आँखा खोली बोलाऊँ भन्छु हराउँछौ तिमी
बेमौसमी याद बनि हरप्रहर सताउँछौ तिमी
ओठ छेउ आइदिउँ भने लजाउँछौ तिमी

के छ कुन्नि त्यो मनभित्र सहमति या बिमति
फसेको छु तिमीभित्र कि दिन्छौ त स्वीकृति
सागरभन्दा गहिरो के छ ? पिरती हो भन्छौ तिमी
बन्द गर्छु आँखाहरू अनि पो आउँछौ तिमी
आँखा खोली बोलाउँ भन्छु हराउँछौ तिमी
बेमौसमी याद बनि हरप्रहर सताउँछौ तिमी
ओठ छेउ आइदिउँ भने लजाउँछौ तिमी

वीरेन्द्रनगर नगरपालिका–१, सुर्खेत