काठमाडौं – एक अध्ययनले समुद्रमा एक सय ७१ ट्रिलियनभन्दा बढी प्लास्टिकका टुक्रा रहेको देखाएको छ।

सन् २००५ यता विश्वका समुद्रमा प्लास्टिकका टुक्रा बढ्न थालेको अध्ययनमा उल्लेख छ।

सन् २००५ मा १६ ट्रिलियन प्लास्टिकका टुक्रा समुन्द्रमा रहेकामा अहिले त्यो बढेर एक सय ७१ ट्रिलियन पुगेको अनुसन्धानलाई उद्धृत गर्दै बीबीसीले समाचार लेखेको छ।

यसको नियन्त्रणका लागि केही उपाय नअपनाए सन् २०४० मा यो सङ्ख्या तेब्बरले बढ्ने चेतावनीसमेत दिइएको छ। समुद्रमा फालिएका प्लास्टिकका टुक्राले त्यहाँ रहेका माछा र अन्य जनावरलाई ठूलो असर गर्ने बताइएको छ।

मानव जीवनका लागिसमेत पानीमा रहेको प्लास्टिकको असर हुने उल्लेख छ। योक्रम बढ्नुमा अनुसन्धानकर्ताले चिन्ता व्यक्त गरेका छन्।