धेरैको घरमा चराचुरुङ्गीको तस्बिर राखेको देखिन्छ । यसको अर्थ थाहा नभई पनि सजावटकै लागि मात्र भए पनि राखौँ न भनेर पनि धेरैले राखेको देखिन्छ ।

वास्तुशास्त्रले पनि चराहरूलाई शुभ मानेको छ । चराचुरुङ्गी भएको वातावरण स्वतः रमाइलो हुन्छ । बास्तुशास्त्र अनुसार घरमा लभ बर्ड, गिद्ध, मयूर, नीलकण्ठको तस्बिर र राजहंसको तस्बिर राख्नु निकै शुभ  मानिन्छ ।

चराको तस्बिरले घरमा सकारात्मक परिणाम ल्याउँछ । कहिले काहीँ कडा परिश्रम गरेर पनि सफलता पाउन सकिँदैन,  त्यस्तो बेलामा घरमा चराहरूको तस्बिर राख्नु वास्तुले अत्यन्त राम्रो मानेको छ ।  घरमा चराको चित्र वा मूर्ति राख्नाले सकारात्मक ऊर्जाको निवासमा मद्दत गर्दछ र नकारात्मक ऊर्जाबाट मुक्ति मिल्छ ।

 वास्तु अनुसार पूर्व दिशामा चराहरूको फोटो राख्नु अत्यन्तै शुभ मानिएको छ । यसले हरेक काममा सफलताको सम्भावना विकास गराउन थाल्छ ।