गर्मी बढेसँगै तुलसीपुरका विद्यालय पाँच दिन बन्द हुने

२५ जेष्ठ २०८०, बिहिबार

पढ्न लाग्ने समय : < 1 मिनेट

प्रतिकात्मक तस्बिर

दाङ– गर्मी बढेसँगै दाङको तुलसीपुरका विद्यालय पाँच दिन बन्द हुने भएका छन् ।

जेठ २६ देखि ३० गतेसम्म विद्यालय बन्द गर्ने निर्णय गरिएको तुलसीपुर उपमहानगरपालिकाका शिक्षा शाखा प्रमुख चक्र भण्डारीले जानकारी दिए ।

गर्मी बढेका कारण बालबालिका बेहोस हुने र बिरामी हुने क्रम बढ्दै गएको गुनासोको आधारमा विद्यालय पाँच दिन बन्द गर्ने निर्णय गरिएको बताइएको छ ।

तुलसीपुरमा ८३ सामुदायिक र ६५ संस्थागत गरी कुल एक सय ४८ वटा विद्यालय रहेका छन् ।

प्रकाशित मिति : २५ जेष्ठ २०८०, बिहिबार ७ : २२ बजे

प्रतिक्रिया