मस्को – रुसमा आकस्मिक अवतरण गरिएको एयर इन्डियाको प्रतिस्थापन विमान अमेरिका प्रस्थान गरेको छ।

नयाँ दिल्लीबाट मंगलबार सान फ्रान्सिस्कोका लागि उडेको विमानको इन्जिनमा प्राविधिक खराबी आएपछि रुसमा आकस्मिक अवतरण गरिएको थियो।

सो विमानको सट्टा अर्को विमानमार्फत  २ सय ३२ जना यात्रु सान फ्रान्सिस्को प्रस्थान गरेका हुन्। तीन दिन पछि वैकल्पिक उडानमार्फत अमेरिका पठाइएको हो।

दुई सय १६ यात्रु र १६ चालक दलका सदस्यसहित उडान भरेको बोइङ ७७७ विमानले रुसको मगदान विमानस्थलमा आकस्मिक अवतरण गर्नु परेको थियो।

जहाँ यात्रु र चालक दललाई अस्थायी आवासमा राखिएको थियो। यात्रुहरूलाई खाना बस्न र भाषाका समस्याका कारण अनेक चुनौतीको सामना गर्नु परेको थियो।

अमेरिकी विदेश मन्त्रालयले रुसमा आकस्मिक अवतरण भएको विमानमा ५० भन्दा कम अमेरिकी नागरिक रहेको पुष्टि गरेको छ। अमेरिकी विदेश मन्त्रालयका उपप्रवक्ता वेदान्त पटेलले एयर इन्डियाको बदली विमान रुसबाट अमेरिका आउँदै गरेको छ भन्ने जानकारी दिइएको पनि बताएका छन्।

एयर इण्डियाले प्रतिस्थापन गरेको विमान ८ जुनमा स्थानीय समय अनुसार राती सवा १२ बजे सान फ्रान्सिस्कोको अन्तर्राष्ट्रिय विमानस्थलमा पुग्नेछ।