काठमाडौँ– अमेरिकी प्रविधि कम्पनी अल्फबेटका प्रमुख कार्यकारी अधिकारी सिईओ सुन्दर पिचाइले भारत निर्यातमा आधारित अर्थतन्त्र बन्ने दाबी गरेका छन् ।

खुला एवम् विस्तृत इन्टरनेटको वातावरण रहेका कारण भारत निर्यातमा आधारित अर्थतन्त्र बन्ने पिचाइको दाबी छ ।

उनले भारतीय ‘स्टार्टअप’ मा अल्फबेट र अल्फबेटको सहायक कम्पनी गुगलले आफ्नो ध्यान केन्द्रित गरिरहेको बताउँदै यस्ता भारतीय स्टार्टअपमा ३० करोड डलर लगानी गर्ने तयारी भइरहेको समेत बताए ।

भारतीय आर्थिक अनलाइन इकोनोमिक टाइम्सका अनुसार यसमध्ये करिब एक चौथाई रकम महिलाद्वारा सञ्चालित स्टार्टअपमा लगानी गरिने पिचाइको भनाइ छ ।

उनले हाल भारत प्राविधिक रुपान्तरणको महत्वपूर्ण समयबाट गुज्रिरहेको बताउँदै खुला इन्टरनेटमा जोड दिनुपर्ने धारणा समेत राखे ।