काठमाडौँ – तेश्रो भरत फिल्म अवार्डमा ‘उत्कृष्ट अभिनेत्री’को अवार्ड मेनुका माझीले प्राप्त गरेकी छन् ।

पछिल्लो समय म्युजिक भिडियोसंगै स्टेज कार्यक्रमहरुमा पनि ब्यस्त बन्दै गैरहेकी माझीले मैथिली भिडियोबाट उक्त अवार्ड हात पार्न सफल भएकी हुन् ।

गएको बुधबार काठमाडौको बुढानिलकण्ठमा आयोजना भएको अवार्ड कार्यक्रममा प्रमुख अतिथि वरिष्ठ अभिनेता नीर शाहले उक्त अवार्ड माझीलाई प्रदान गरेका थिए । यसअघि उनले निम अवार्ड मा ‘बेस्ट मोडल अफ द इयर २०२३’ को अवार्ड हात पारेकी थिइन् ।

अभिनेत्री माझी पछिल्लो समय इटहरी भोजपुरी तथा मैथिली म्युजिक भिडियोमा स्थापित हुँदै गइरहेकी छन् । नेपाली म्युजिक भिडियो र सिनेमा उधोगमा आफ्नो कलालाई स्थापित गर्न लागिपरेकी माझिले दर्जनौं म्युजिक भिडियोमा अभिनय गरिसकेकी छन् ।