तेल अभिभ- इजरालयस्थित नेपाली राजदूतावासले गाजा क्षेत्रमा द्वन्द्व जारी रहेको भन्दै आफ्नो सुरक्षाको ख्याल राख्न नेपाली समुदायलाई आह्वान गरेको छ ।

राजदूतावासले सामाजिक सञ्जालमार्फत् सूचना जारी गर्दै गाजासँगको सीमा लगायत विभिन्न क्षेत्रमा अशान्त वातावरणमा स्थानीय सुरक्षा निकायको निर्देशन अक्षरशः पालना गर्नसमेत आह्वान गरेको छ ।

राजदूतावासले अफ्ठ्यारोमा परेका नेपाली नागरिकलाई सहयोग र उद्धारका लागि इजरायलका सम्बन्धित निकाय तथा अधिकारीसँग निरन्तर समन्वय गरिरहेकोसमेत जानकारी दिएको छ ।

द्वन्द्वका कारण उत्पन्नि परिस्थितिबाट हाल सबै त्रसित रहेको उल्लेख गर्दै दूतावासले नकारात्मक सन्देश जाने गरी सोसल मिडियाहरुमा सेयर गरेर अरुलाई त्रसित नगराउनसमेत आग्रह गरेको छ ।