काठमाडौं– जनमत पार्टीका उपाध्यक्ष तथा सांसद अब्दुल खानले चिनियाँ राजदूत छेन सोङलाई फिर्ता पठाउन माग गरेका छन्  ।

बिहीबार बसेको प्रतिनिधिसभाको बैठकमा विशेष समयमा बोल्दै सांसद खानले नेपालका लागि चिनियाँ राजदूतको अभिव्यक्तिको विरोध गर्दै ती राजदूतलाई फिर्ता पठाउनुपर्ने माग गरेका हुन् । नेपाल र भारतको सम्बन्धमा बोल्ने अधिकार चिनियाँ राजदूतलाई नभएको उनले  स्पष्ट पारेका छन् ।

‘नेपाल सार्वभौमसत्ता सम्पन्न स्वतन्त्र राष्ट्र हो । यो कुरा संविधानमा पनि लेखिएको छ । यदि हो भने कुनैपनि विदेशी मुलुकको एउटा राजदूतले नेपालको परराष्ट्र नीति निर्धारण गर्ने होइन । नेपालले को सँग कस्तो सम्बन्ध राख्ने भनेर नेपाल आफैले निर्धारण गर्ने कुरा हो’, उनले भने ।