काठमाडौँ- नेपाली कांग्रेसका सांसद विनोद चौधरीले मुलुक निश्चित रुपमा आर्थिक मन्दीमा गएको बताएका छन् ।

आइतबार काठमाडौँमा बैंक तथा वित्तीय संस्था परिसंघले आयोजना गरेको सम्मेलनमा उद्योगीसमेत रहेका सांसद चौधरीले तथ्यांक विभागको आर्थिक वृद्धिदरको प्रक्षेपण हेर्दा मुलुक मन्दीमा पुगेको निश्चित भएको बताएका हुन् ।

तथ्यांक विभागले अपेक्षाभन्दा ४ गुणा कम आर्थिक वृद्धि हुने देखाएको सांसद चौधरीको भनाइ छ ।

अहिलेको जस्तो चुनौती र समस्यामा नेपालको अर्थतन्त्र कहिल्यै नदेखिएको भन्दै उनले तथ्यांक विभागले चालु आर्थिक वर्षको आर्थिक वृद्धिदर १.८६ मात्रै हुने प्रक्षेपण गरेको उल्लेख गरे । यो आर्थिक वृद्धिदर सरकारको अपेक्षाभन्दा ४ गुणा कम रहेको उनको भनाइ छ ।

उनले मुलुकको समग्र वित्तीय क्षेत्र नै गम्भीर समस्यामा परेको दाबी गरे ।