काठमाडौँ– कोका-कोला बेभरेजेज नेपालले ‘कोक बडी’ एप लन्च गरेको छ । रिटेलरहरूले कुनै पनि समयमा कुनै पनि स्थानबाट डिस्ट्रिब्युटरहरूमार्फत कोका-कोलाका पेय पदार्थहरू सहजरुपमा अर्डर गर्न सकुन् भन्ने उद्देश्यले यो एप लन्च गरिएको हो । 

नेपालभरका २५६ वितरकहरू र १५६,००० आउटलेटहरूलाई जोड्दै यो नयाँ मोबाइल एप्लिकेसनले कोका-कोलाका उत्पादनहरू वितरण गरिने शैलीलाई डिजिटल रूपमा रूपान्तरण गर्ने कम्पनीले विश्वास लिएको छ ।

कोका–कोला बेभरेजेज नेपाल र यसको विशाल वितरण सञ्जाल भित्रको सन्चार र लजिस्टिकलाई सुव्यवस्थित गर्न कोक बडी एपको डिजाइन गरिएको हो। सप्लाइ चेन म्यानेजमेन्टलाई अप्टिमाईज गर्ने, इन्भेन्टरि भिजिबिलिटी सुधार गर्ने र  डिस्ट्रिब्युटर-रिटेलरहरु दुवैका लागि सहज अनुभव प्रदान गर्ने यो एपको लक्ष्य हो ।

यसैबीच  सुविधाजनक रुपमा अर्डर गर्ने एप-कोक बडी विशेष रूपमा रिटेलरहरूका लागि तयार पार्दा आफू उत्साहित भएको कोका–कोला बेभरेजेज नेपालका कमर्सियल डिरेक्टर युनुस रियादीले बताए ।